Некои моменти не се мерат со време, туку со спомени!

Вчера, на 1 октомври, го одбележавме Меѓународниот ден на старите лица – ден посветен на сите оние кои со своите животни приказни, искуства и мудрост оставаат трага во генерациите што доаѓаат. По повод овој ден, Црвен крст на Република Северна Македонија – Општинска организација Чаир, во соработка со Домот за стари лица „Вита Ве“, организираше заедничка дружба со корисниците на домот.

Заедно со нашите волонтери, низ разговор, смеа и споделување убави мигови, корисниците изработија прекрасни постери кои ќе останат како спомен од оваа средба. На нив останаа нивните дланки, пораки и дел од нивните срца – едноставен, но прекрасен потсетник дека највредните спомени се создаваат кога сме заедно.

Генерациите не треба да се разделуваат со години, туку да се поврзуваат со разговор, внимание и човечка близина. Разменивме искуства, научивме едни од други и создадовме моменти кои ќе ги паметиме. Им благодариме на корисниците и на тимот на „Вита Ве“ за гостопримството и за можноста да споиме различни генерации во една убава приказна. ❤️

🌷 Среќен Меѓународен ден на старите лица!